We just get the info say Three (3) youths for inside Luebe Community inside Khana LGA don kaput oh, while several others don survive by big big wounds oh.
According to the eyewitness wey dey there koro koro, Barry Diginee, tlak say kata kata happen at about 8:15pm on Friday.
The Paramount Ruler of the Community Chief Micah Saakara, self don confirm the incident, accused men of the Special Anti Robbery Squad (SARS) in Bori,
wey be say na them open fire on the youths that wey dey on local surveillance after say them notice say (SARS) dey escort illegal refined crude oil pass thier community (Luebe) to Ndoki inside Oyigbo LGA of Rivers State.
E no tay at all wey the CTC Chairman of Khana LGA Chief Hon. Gbene Lekue Zini condemned the the kata kata wey shele e come call the Commissioner of Police, Rivers State make them sharpaly come touchlight the matter wey happen, arrest and prosecute the perpetrators wey carry out this act.
He come still call on the people of Luebe Community say make them remain calm and law-abiding as per say him go make sure say Justice no go delay at all.